كلمات في سطور

بخاف انام تسبقني أيامي
ما انا اللي عشت صاحى مستني أحلامى

كلمات في سطور

مكتوب بتاريخ ايام ماعيشتهاش واحلام ماحلمتهاش
وناس بوشوش لون شاش ماشفتهاش
قولت اعترض ع العيشة قالو دي كدبة ولا بلاش قولت بلاش

كلمات في سطور

في سجن الليل محبوس وقاتن
وستارته نزلت بلونها الأسود الداكن
لكن وألف لكن للفجر نور طالع علي كل ساكن 

المحاكمة

حكمت المحكمة بالبراءه ... اصل العشره ماتهونش ولا الصداقه
المهم في الدفاع مش الورق المهم اللاباقه  ... احنا في ساحة الفقاقة
دافع عن دمك بس في حدود اللياقة

أبحث عن ذاتى

أبـحــث فـي طــياتــــي عـــن ذاتـــى 

عن رسـم ملامح وجهــى في مـرآتـي

عـن صـمت حـزنـي في أبتسـامـاتي 

عــن السكــون الكــائن في كلـمـاتى

عــــن أشـتيـــاق نـفســـي لـمـلذاتـي

عن راهب بداخلى وشيطانِ يسكن حركاتي

انـها ذاتــى التـي لا تعـرف ذاتـي 

انها التي تعرف معني الصمت في حياتي

وتعرف ايضا كيف تقص حكاياتي

انهـا الــغـد المــاضي بمـا فـيـه 

والــحـــاضــــر بـمـــا هــــو آتــي 

انها ذاتي التي تبحث عن ذاتـي

أنها ذنوبي التي تملئ مخلاتـي

التي احملها علي ظهري لبعد مماتي

انها طفل ببتسـامة بلهاء

وإنسان في رداء العقلاء

وشيطانِ يعدُني بالبلاء

انها ذاتي الكائنةُ بذاتي 

هي الشك في صدق دياناتي

والرجـاء في وقت مـناجاتـي

هي وثنية تفكيري ومسيحية تدبيري 

وأسلامي في وصف معاملاتي

انها كل الديانات التي تؤمن بإنتقاداتي

وسطور معرفتي في مجلداتي

هي كل شئ ضدد رغباتها ورغباتى

هيه زمان ضاق فيه العيش بحياتي

و غدِ انتظر فيه بإبتساماتي

انها ذات التي تبحث عن ذاتي

دولة المبروك

دولــــة الـمبروك

دولة المبــروك بالــف لـســـــان والــف بـــوق 

ماهما ناديت ع الحق فيها مش هايسمعوك

دولة المبروك

فيها الظلم وارث حقك من أجدادك لحد ابوك

واليوم اللي ناديت بصوت العدل فيها أهانوك وذلوك 

طلعت بلادهم مش بلادك طلعت ميلادهم مش ميلادك 

مين اللي جابني هنا مش هوه اللي جابك

رد معدي وقال لي اخرس يلعن ابو اللي جابك

أيه جابك انت في دولة المبروك

صعلوك مقامك لدولتة مملوك 

شحات معدي في دولة المبروك

وطلعت انا صعلوك مملوك لكل ركن في دولة المبروك

في دولة المبروك رد السوأل بالظلم عاده

ممنوع تسأل في بلاد صاحب السعادة

وخدوني علي سجن  في بلاد بعيده

فيها الناي يزعق بصوت الأحزان المش سعيده

سجن بسور اوله اول السكة البعيده

واخدني سجان هيئة مارد بوش جان

في ايده سوط من نار  بصوت عالى

نظراته غضب مهما التفت بصه لي

وخلع ردائي ورسم خريطة الوطن بدمائي
 واتنصب صوان الحزن مع اني حي
 بس الأوامر طلعت بعزائي 

تمت

خالتي عساكر وأبنها جمعة

خالتي عساكر وابنها جمعه

شاب اسم الله عليه في الجامعة

طالع فالح كده من يومه ... وبيتكلم والناس سامعه

بس ده مش الأبن الحيله ... لسه عندها عيل نيله

فقري وفاشل وملوش لازمه 

عنده دماغ تقولش دي جزمه

تعرف اسمه ... اسم علي مسمي 

اسمه سمعه وسمعته لامه

كل عيوب الناس والدنيا

صدق اللي قال البطن قلابه 

تخلف ملك والتاني كتابه

ولادها اتنين متقولش اخوات 

واحد راسي والتاني لاتات 

مطرح ماتيجي مصلحته يبات

طالبوه في الجيش ومعهش شهاده

وخدوه عالآمن ابوستره سوده وبياده

وبقي عسكري  قوي بزياده

وفي يوم ماكان علي الخاطر 

كلم سمعه الخاله عساكر

كيفك يامه والله وحشتيني 

ادعيلي  ده انا طالع عيني

خارجين نفض مظاهره ... عملينها طلبة جامعه

 تصدقي يامه الباشا بتاعنا بيقول لنا دول اعداءنا  

ربنا معاك ياوليدي وابقي اتطمن علي اخوك جمعه

مدام هتروح نواحي الجامعه

وضربو حصار علي باب الجامعه 

ووقف سمعه انتباه  وشدت المظاهره 

وابتدت العساكر بالآمر تتحرك

اضرب ياعسكري ببياده اعداء البلد في زياده

وجمعه في المظاهره بيهتف والعلم في ايده

اللي بيضرب اهله وناسه يبقي خسيس من ساسه لراسه

وامر الباشا هاتولي الواد ده 

جرت العسكر عليه وشدوه وكانت الشده 

ونزل علي رجيله واتسحل مالباب ده للباب ده

شافه سمعه بعنيه وجري علي الباشا يترجاه

ده جمعه اخويا يابيه مالوش في الكلام ده 

ماليش غيره يابيه ووصية الوالده

بص البيه للآتنين وصدر اوامره 

اضرب ياعسكري انا بحمي البلد من امه 

ورفع ايده علي آخوه ينفذ الامر

ونزلت ايده معلمه تقولش دي جمر

وادي اللي خدناه من آولي الامر 

ضرب الواد آخوه وقال بينفذ الامر